Rohit ki kirnein padti hain..
Jab sheersh shikhar par hota hai.
Woh virat swayam ho jaata hai,
jo ghamand baraabar khota hai.
Dikkat ko jab rahul jeete,
toh udar kedaar ka saath rahe.
Soojboojh ki misaal rakhe,
mahendra hi saare bisaat rache.
In yodhhaon ka maan rakhein,
Hardik inka abhinandan ho.
Jo spin bowling ka jaal bune,
Chahal kuldeep ka bandhan woh.
Swing se sabko pareshaan rakhein,
Bhuvi ki khaas taiyaari hai.
Akram, Donald aur Walsh beete,
ab diggaj Bumrah ki baari hai.
Ye team ek naam banayegi,
iska na dooja saani hai.
Ye world cup fir ghar aaye,
Mil kar ye jeet dilaani hai.
